Posedim i paautorizuar i armëve në Prizren, policia sekuestron armatim dhe municion.

Policia e Kosovës, më 04 prill 2025, ka realizuar një kontroll në shtëpinë e një të dyshuari për posedim të paautorizuar të armëve. Hetimet janë zhvilluar nga Njësiti i Hetimeve të Stacionit Policor në Prizren, pas informacioneve operative që tregonin se i dyshuari, N.T., mashkull kosovar, i lindur në vitin 1977, ishte në posedim të armëve pa leje.

Policia ka bërë të ditur se, pas pranimit të informacionit, është njoftuar Prokurori i Shtetit, dhe me lejen e tij, është realizuar kontroll në shtëpinë dhe objektet përcjellëse të të dyshuarit.

“Gjatë kontrollit, janë gjetur dhe sekuestruar në cilësinë e provave materiale: Një (1) pistoletë e tipit AREX, kalibri 9×19, Një (1) pushkë gjysmë automatike e tipit ’’Crvena Zastava’’, Një (1) karikator i pistoletës, Gjashtë (6) fishekë të kalibrit të panjohur, Dy (2) fishekë me gaz, Dyzet e një (41) fishekë të armëve të gjata, Një (1) karikator i pushkës gjysmë automatike, Një (1) palë dylbi të tipit ZRAK ON-M76”, njofton Policia e Kosovës.