Nesër mbushen 36 vite nga  vrasja e Profesor Xhemajli Berisha,tani Hero i Kosovës.

                 Nesër me 6 prill, mbushen plotë 36 vite nga  vrasja mizore e Profesorit  atdhetar e patriot Xhemajli Berisha,Profesor Xhema, ishte  një emblemë atdhetare  . Profesor Xhemajli Berisha, lindi në Brestoc të Rahovecit. Fakultetin e  kreu në  Prishtinë, ku dhe punoi si profesor në gjimnaz e në Akademinë Pedagogjike të  Prizrenit. Ai morri pjesë aktivisht në çështjen e çlirimit të Kosovës nga robëria serbe që në vitet e shkollës e deri më vonë si profesor  i cili për shkak të  aftësive të tija dhe idealeve  që kishte u bë  një  emblemë e arsimit shqip. I rritur në Arbanë të Prizrenit legjendar, i edukuar në një familje atdhedashëse dhe bashkëkohës i shumë veprimtarëve të lirisë së atdheut, lexues i pasionuar dhe njohës i historisë së kombit të vet, Xhemajliu nuk mund të shikonte anash me indiferencë fatin prej robi të popullit dhe të Kosovës së tij të dashur. Ai mori pjesë aktive në shumë demonstrata, duke filluar nga ajo e 11 marsit të vitit 1981, për të aderuar pastaj edhe në Lëvizjen Popullore për Republikën e Kosovës.
Gjatë viteve të veprimtarisë çlirimtare të Xhemajliut, gjendjen në Kosovë e karakterizonin politika koloniale e pushtuesit, përndjekjet policore e mjerimi ekonomik i popullsisë, në njërën anë dhe zgjimi kombëtar shqiptar, ndërgjegjësimi, sidomos i rinisë për të rezistuar në mënyrë të organizuar kundër shtypjes dhe shfrytëzimit të huaj, në anën tjetër.

Kjo iu ra në sy UDB-së së asaj kohe .. Me vendim të UDB-së për veprimtarinë e tij atdhetare, arrestohet e torturohet në burgun famëkeq të Prizrenit, ku dhe mbyll sytë në 6 prill 1989, në moshën 31 vjeç, si pasojë e torturave të UDB-së. Për të mbuluar krimin e tyre, udbashët e hedhin të vdekur nga dritarja e katit të tretë dhe e çojnë në spital, me qëllim marrje nga mjekët të një certifikatë vdekje me motiv të ndryshëm nga torturat, por nuk i’a arrijnë qëllimit. Mjeku Halil Berisha refuzon kategorikisht dhe për këtë ndëshkohet dhe ai më vonë me helmim nga UDB-ja.

Xhemajliu, ishte dhe një poet i fjalës së shkruar , që po të kishte jetuar, do të kishte shkruar një faqe të ndritshme të letërsisë shqipe.  Pas  vdekjes nën redaktimin  Milazim Krasniqit  familja e botojnë një  përmbledhje  me poezi  “Kësi lotësh s’kanë derdhur sytë e mi”,Me vonë  me urdhër  të  presidencës së  Kosovës  ai shpallet Hero i Kosovës.