Çaste poetike me poeten;-Mirishahe ELSHANI

NËSE VDES

———————-

Nëse vdes sot

Mos derdhni lot

Por thoni paska vdekur një i vdekur

Paska ikur një i marrë

Ishte këngë e ngrirë që s’e këndon askush

Kishte helm që pikon në plagën prush

Ishte yll i fikur drite

Në natën pa hënë

Në flakë të zjarrit

Sytë i digjeshin nga malli

Me etjen e kallur në buzë

Etje që s’u shua kurrë

Ishte gurë i atdheut

Në dritë të dielli

Lule e këputur nē pranverë

Pa ngjyrë pa erë

Vitet ikin nga i gjalli

Seq u zgjova vetë nga varri

Për t’ ju lutur të gjithëve

Mos u mërzitni për vdekjen time

Mos më vini për ngushëllime

Jam në anën tjetër të diellit

Duke vallëzuar me yjet e qiellit

/QendraPress/