Fryma poetike e së mërkurës me poetin;-Llesh GJOKA

KUR SHKRUAN NJË POETE

——————————————

Kur shkruan një poete

Dita bëhet sqimatare.

Gëzimi i saj përhidhet me ojna lulesh

Në valsin e ajrit ledhatar.

Fjalët, ah, fjalët fatlume!

Festojnë artin e tyre të mahnitshëm.

Vargjet bëhen margaritarë të varur

Mbi degët e lulimit të ëndrrave të brishta.

Kur shkruan një poete

Koha e saj rrjedh si rrymë.

Valëzuar metaforash

Shtjellëzuar rimash.

Kur shkruan një poete

Qielli i syve puthet me një dritë të përtejme.

Zemra, afsh dashurie,

Shkrin çdo ndjenjë në arturina fjalësh

Në një farfuritje dritëverdhë.

Kur shkruan një poete

E vërteta e thjeshtë

Më thotë pa u dukur.

E bukura bëhet më e bukur.

/QendraPress/