Fryma poetike e së mërkurës me poeten;-Lubi H.TOTA

Prapë ju pres në Vajlën teme!

————————————————

Në Vajlën teme prap ju pres,

Këtu ka rrënjët historia

Më këngë zemre për çdo brez

Do përcjell vargjet e mia

Në këto bjeshkë mbulu me lule,

Prapë ju pres Vllazën e Motra,

Me tupanë e me curle,

Do festojmë në Vatrat tona.

Prapë ju pres s’ju kam harruar,

Të bashkohemi, t’bëhemi nji

Kurrë si sot s’kam qën e gëzuar

S’ka në botë, moj, Vajlë si ti.

Përherë gëzojmë me valle e këngë ,

Bëhemi bashkë si përherë,

Te ti, nanë harrojmë çdo brengë

Sot festojmë si asnjëherë,

Prapë na mblidh oj, Nënë loke

Si çdo her si e ke adet,

Bukë e krypë te sofra jote,

Ashtë si mjaltë e asht sherbet.

Më beso sa m’ka marrë malli

Do t’i puth ty gurë e dru,

Për ty kangën kurrë s’e ndali

N’prehrin tan, nanë, jam betu .,

Po ju pres në Vajlën teme,

Për ju hapur është çdo derë

Knoj me mallin e kësaj zemre

Me ty s’ngopem asnjëherë.

/QendraPress/