Çaste poetike me poeten;-Bukurie BUÇPAPAJ

ÇAST MEDITIMI

———————————–

Më thanë të të kërkoj diku aty ,

në ato përgjigjet që nuk i mora kurrë ,

brenda zemrës këndohet

baladë,

Që lumturisë tashmë i vuri një mur.

E nëse në mijëra pjesë

ky shpirt të thërrmohet

heshtja, do të më presë ,

mbi vargje kamuflohem.

Ti je ti, ai që thyen dhembjen,

Ti je ti, që vargjesh rinisë këngën,

E unë mbetem po ajo ëndërr

Ekzistencë frymuar nga një emër.

Ca pak, grimca dashnie kërkuar,

nga ti e nga askush tjetër

e di që brenda fajësohem e gabuar,

se atë e gjeta të bardhë veç në një copë letër

Nëse dhembja dakordohet me heshtërimin,

Si dy armiq të përbetuar të dashurisë,

atëherë paskam vdekur me pendimin,

Se desha të bëhem çast i përjetësisë.

/QendraPress/