Fryma poetike e së mërkurës me  poeten;-Vilma NIKA

Të dielat.

————————-

Ti ecën rrugëve të qytetit

me stilin tënd gjithë nur e sharmë.

I buzëqesh dhe retë e qiellit

kur trokëllin mbi trotuar.

Ç’i përkëdhel flokët lëshuar

kur gjithë finesë i stilizon.

Djalërinë me gotë në duar

sakaq e deh e gjunjëzon.

Të mos e zë moshën e shkuar

kujtuar kohën në rini!

Ku piqet malli buzëpërvëluar

nga një kujtim që e sjell ti.

Çe mirë moj të ka bekuar,

të jesh mëkat a dashuri?!

Ti vrasësh zemrat ëndërruar

dhe të mos kesh pak dhembshuri.

Çapkëne ti, lule pranverë

moj buzëkuqe si qershi.

Pa hidhi moj dy sytë një herë

dhe në u djegshim shkrumb e hi!

/QendraPress/