Çaste poetike me poeten –Mirishahe ELSHANI

EMBLEMË MARRËZIE

————————-

Flakë i doli kafkës

Shpresa ngulfatet nga hidhësia e pa shpresës

Në dallgë furtunash përpëlitet e vërteta

Ç’miell po bluhet në mullirin e zi

Mos u bëni të marrë

Mos u bëni djaj të krisur

Thirrni mendjes për pak dritë

Për këtë tokë e për këtë ditë

Ëndrrën e bardh mos m’a vrisni

Jam shtegtarë i shekullit të ri

Udhëtoj nga poli i lirisë

Ora e kohës kurdisej nga dora e shenjtërisë

Por ju mos u bëni kalë i varreve që trazon

As gaz i botës që mallkon

Emblemë marrëzie mos u bëni ti

Këndoje këngën më të bukur që di

Për Kosovë e Shqipëri

/QendraPress/