Fryma poetike e së dielës me poetin;-Xhemkadri KASTRATI

DERI KUR

—————————

A më tregon kush deri kur

Duhet të jetoj me shpresë

Të pres se do t’bëhet mirë

Mos atëherë pasi të vdes?

Flisnin për një shtet të fortë

S’do ketë vuajtje as mjerim

Fusim n’xhep një pasaportë

Në çdo kohë për n’perëndim.

Vendin tonë do e lulëzojnë

Këta të zgjedhurit deputet

Që gjithçka këta t’punojnë

Por për xhep e jo për shtet.

Pasuri kanë bërë sa deti

Sillen sikur me qenë mbret

Këti populli asgjë s’i mbeti

Turpi vazhdon t’mos i vret.

Deri kur kjo, shkuan vitet

Këtë kohë s’e ëndërruam

Dija t’shahet dhe të vritet

Tjerat po, këtë s’e besuam.

Deri kur kështu miq të mi

Deri kur këto maskarada

A mund t’ketë ndonjë kufi

Na shkuan veç tri dekada.

Kjo dikujt po i konvenon

Atyre u shkon për shtati

A e dini se kështu s’bën

Të mjerë, mos u zëntë sahati!

QendraPress/