Fryma poetike e së dielës me poetin;-Argjend HASANI

ATO DITË TË KOBSHME PRILLI

———————————————–

(Poezi kushtuar Enver Murselit,

i vrarë në prill të 1999-ës, nga paramilitarët serbë.)

——————————————-

Enver, kaluan shumë mote e vite

Që asnjëherë më, ne nuk u pamë

I mungon familjes e ne të gjithëve

Buzëqeshja jote gjallë na mbanë.

Kujtojmë si sot, bujarinë tënde

Sinqeritetin, nderin e burrninë

Njerzillëkun, nderin e krenarinë

Humorin, gazin dhe dashninë.

Atë ditë marsi për herë të fundit

Ne së bashku te lumi kur u pamë

Më the se nuk priten ditë të mira

Kemi bërë gati pushkë e jataganë.

Retë e zeza kishin vërshuar kudo

Në Llashticë, e mbi vendin tonë

Armiku gjakatar u vërsul si hiena

Kosovën e gjakosën në çdo anë.

Në ditët e kobshme të prillit 99

Shuan jetën e të dashurve tonë

Të gjithë pa faj, 25 ata u vranë

Edhe ty Enver, nga jeta të ndanë.

Enver, vepra dhe shembëlltyra jote

Ndër ne me kujtime të bukura jeton

Pasardhësit tu, Sadiku, Bardhyli, Astriti,

Bukurija, me dashuri e mall të kujtojnë.

/QendraPress/