Çaste poetike me poetin;-Asllan MIFTARI

U LEXUA DHE NJË FLETË

————————————-

Nga libri i jetës, u lexua dhe një fletë

U shtua dhe një rrudhë e ca thinja përmbi kokë

Vitet kalërojnë shpejt njëri pas tjetrit

Çdo gjë.., pas dere qenka në këtë botë !

E tillë është ndërtuar kjo tinëzare jetë

Vitet ikin vërshimthi…., si ujë poshtë urë

Kthehemi pas e kujtojmë me lot rininë

Dhe fatkeqësisht, s’jemi të njomë si dikur !

Ah sa shpejt kalërojnë ciklet njëri pas tjetrit

Siç garojnë nxitimthi kuajt nëpër gara

Të gjithë startojnë nga e njëjta pikënisje

Siç shihet…! – Mosha në finish arritka e para !

/QendraPress/