Çaste poetike me poeten:-Arsinoi Zengo KALLXO

Fustani i Bardhë

—————————-

Shpirti im lahet në ag,

si ylber i fshehur në vesë,

dhe mbi të, si mantel i lehtë,

shtrihet fustani i bardhësisë.

Nuk është pëlhurë prej duarësh,

as fije mëndafshi të endur nga njeri,

por frymë e kthjellët, pa njolla,

që rrobat e botës i bën hi.

Kur e vesh, më ndriçon zemra,

sytë më marrin qetësinë e detit,

e çdo plagë, çdo rrudhë e fshehtë,

shkrihet nën ngrohtësinë e tij të vërtetë.

Ky është fustani i shpirtit tim,

jo për stoli, por për liri,

një bardhësi që nuk zbehet kurrë,

një heshtje e dritshme në përjetësi!

/QendraPress/