Çaste poetike me poeten:- Behare Daja KASA

KUR UNË TË MOS JEM MË…

———————————-

…merr një laps e shkruaj për mua,

për shpirtin tim,

për dashuritë e mia,

për veset e mia,

për tekat e mia,

për rrëmujat e mia,

për tallazet e mia,

për sherret e mia.

Veçse këto t’i përshkruash

me stilin Proliks,

edhe pse mund të ketë

 gjëra që më lëndojnë.

Ani, unë i besoj këtij stili,

sepse më shumë se ti,

s’më njeh askush.

…kur unë të mos jem më,

më thirr në emrin e stinës,

ashtu siç di veç ti…

/QendraPress/