Çaste poetike me poeten:- Natyra MAVRAJ – Qendra Press

Për ty u bëra e fortë si gur

—————————————

mbajta kokën lart edhe kur qielli më ra mbi supe.

Mësova të qesh, edhe kur u lava më lotët.

Të tregova dritë, edhe kur brenda

meje kishte aq shumë errësira.

Por ajo forcë që ti shihje,

ishte kulla ime prej rëre,

që çdo valë e dhimbjes e rrëzonte ngadalë.

Brenda meje jam copë e çikë,

E ndarë në mijëra thërrime

kujtimesh e plagësh.

Por i mblodha të gjitha në një zemër,

vetëm që ti të mos ndjeje asnjë

 therje dhimbjeje.

Në heshtje e pagova çmimin,

e mora atë që se meritoja,

që ti të ecje qetë mbi urën që ndërtoja

me duar të gjakosura.

Sepse dashuria ime

kishte një qëllim:

të të ruante ty,

edhe nëse kjo do të thoshte

ta humbja veten.

/QendraPress/