Fryma poetike  e së dielës me poeten;-Mirushe MUSA

Udhëtimi nëpër bukuritë shqiptare

————————————————

Pyeta Drinin e bardhë e të zi,

malet, i pyeta radhë me radhë,

Si mundem të kaloj në dete,

Me nejt me zanat arbëreshe .

Pyeta Lanën edhe mirushën,

Dalëngadalë kalova fushën,

Dola pak edhe në Valbonë,

Të shoh dardanet si Shqiponjë.

I rash Bunës rreth e përqark,

Në kalanë e Shkodrës mbërrina,

etja shumë më kishte marrë ,

të shoh arbëroret si Gjeraqina .

Kalova bjeshkëve të Kelmendit,

ku është rritur e bukura Norë,

në liqen të Plavës u freskova,

Me yje malsoret thurnin kurorë.

Nëpër Cem nën rrezet e diellit,

s’lash bjeshkë pa i ra ksaj ane,

nuk u ngopa bukuri shqiptare ,

pa u takuar edhe me shkupjane.

Këputa maleve të kësaj ane,

përtej kufijve të shoh mrekulli,

pa u takuar me hyjneshat çame.

s’mund të kthehem në shtëpi.

Mirushe Musa.

/QendraPress/