Çaste poetike me poetin;-Imer GLLAREVA

ALFABETI I DËSHMORËVE

————————-

Ju fëmijë nëse doni

A-në në mend ta mbani

Thoni A-Adem Jashari

Thoni A-Agim Ramadani!

Kur ta mësoni A-në

Mbani mend në daçi

Mos thoni A-aeroplani

Thoni A-Abaz Thaçi!

Kur të shkoni te B-ja

Mos thoni bujku, a bisha

Thoni B-Bedri Shala

Thoni B-Bekim Berisha!

Dhe lavdërohet F-ja

Thotë -unë jam në flamur

Jam te Fehmi Lladrofci

Që nuk harrohet kurrë.

Mos thoni H-H-Hëna!

Kur H-në e takoni së pari

Në mend më lehtë e mbani

Të thoni H-Hamëz Jashari.

Kur ta mësoni I-në

Mos u thoni I-kuajve lodra

S’do ta harroni kurrë

Kur thoni I-I-Ilaz Kodra.

Unë po ju tregoj

Mos thoni nuk e diti

Se me Z të madhe

Është Zahir Pajaziti.

Ju lus fëmijë të dashur

Në qytet e katund

Këtë alfabet që nisa

Ta çoni deri në fund!

/QendraPress/