Çaste poetike me poeten;-Adelina Dardha HASKAJ

Dashuri dimri

—————————–

I ftohti yt në hapat e nxituar

të mëngjeseve bëhet palë,

shalli i palltos më rri ngjitur

mbi buzë, për të puthitur

ngrohtësinë e frymës.

Bryma jote është britmë

për ajrin e ftohtë

dhe për lëkurën e skuqur;

vetëm pemët duken të plogëta,

shtëpitë të përgjumura nga tymi i oxhakut

që ngrihet, gjithë krenari,

dhe dashuria ime

për të lozur me topa bore.

/QendraPress/