Çaste poetike me poetin;- Ali Halim Tahiri

PARANDJEJ

——————–

Sivjet do të vijë shtatori i mbarë,

për mua do të ketë peshë e vlerë,

ky vit më duket i rrallë e i madh,

ndryshe nga gjithë ata të tjerë.

Me gëzim zemra po e pret,

besoj se do të kem shëndet,

do t’i mbërrij gjashtëdhjetë e pesë vjet,

sa shumë, bre, po mbaj shpresë.

Dua t’i kaloj edhe do pak vite jetë,

nuk dua të jem i varur nga askush,

të jetoj i lumtur me mirëqenien time vet,

si i madhi Lasgush, buzë liqenit, me qenush.

T’i qetësoj plagët e shpirtit tim,

sfidat më bënë të fortë si gur,

sa pak e shijova jetën në këtë udhëtim,

kjo e bekuar po ikën, si kur pija një gotë ujë.

/QendraPress/