Çaste poetike me poeten;-Barie ÇUPI

Është jeta

———————-

Flas e pas më ndjek era,

fjalët bëjnë garë me hapat e mi,

konsumohet ajri,

ndryshku i eshtrave bën zë,

shoh të më miklojë një fllad perëndimi.

…

një erë frustruese,

herë e butë,

herë turbulluese.

…

si zog bore hap krahët koha.

…

pushon magjia,

në venat e tokës pulson pranvera,

në gjoks”enigmash dielli u thërrmua.

…

një lule çel,

një qershizë skuqet,

mos vallë natyra më kopjoi mua?

…

mendimi përplaset me shpirtin.

…

bën ftohtë thotë fjala,

bën vapë thotë shpirti,

është jeta thotë mendimi.

/QendraPress/