EE shtuna poetike me poten:-Migel FLOR

Qiell i vrarë

—————————

Qielli rrinte zgjuar mes turbullirës e vetmisë,

nga fishekzjarrët e vrarë me të cilët

festuan “të marrët” e mi.

Yjet vështronin në heshtje,

ndërsa retë kullonin shi; vetëtimat,

si nepërka të kuqe,

thurin litarët mbi shpirtin gri.

Dielli doli krahëvrarë prej natës

dhe përqafimin e bëri lak,

i trembur nga xhindet e errëta

dhe prushi i mbuluar me hi e gjak

Sot grija feston ditëlindjen

pranë poetes buzëngrirë,

 ndërsa bota u fryn qirinjve të verbër

mbi tortën e një shpirti të nxirë.

/QendraPress/