Çaste poetike me poeten:- Shyrete DEMAJ

Grimca poetike.

***

Boshllëk

me figurë paraje

pushton botën e fryrë

në pangjyra,

pa turp,

pa vrer,

pa Zot,

boshllëku rrugë pa krye,

në padritë…

***

Në dimenzion drite

u takuam

si agu puth errësirën

e çelet porta e dritës

një vetëtimë

më zgjon frikshëm

Ahh…

ç’mëkat të thyesh një ëndërr…

***

Dashuria (si përkufizim)

është një labirint me vetëm një hyrje

dhe ku çdo korridor ka dalje në qiell…

***

Ajo, kishte vdekur.

Me këmbët zvarë

shkonte të varroste shpirtin

për të disatën herë…

/QendraPress/