Fryma poetike e së mërkurës me poetin;-Refki RESHITAJ
KAFJA E MENGJESIT
———————————-
A ka kush, që sot me mua do e pi një kafe ?
Dhe me zemër t’ çiltër të llafosim ca llafe !
Jo për politikë, jo për tradhëti.
As për interes, as për ndonjë marri !
Jo llafe, kur të tjerët përgojohen,
As aso që familjarët kritikohen !
Por,llafe shpirti,ku lartësohet drejtësia.
Që vlerësohet e vërteta dhe bëmirësia !
A ka dikush, që kështu dëshiron
ta nis këtë ditë ?
Me fjalë të ëmbëla shpirti,
E, jo me urrejtje e me kritikë !
Po të ketë të këtij soji, po e pres me dëshirë.
Sepse jam i etur për ndonjë llaf të mirë.
Me aso që nuk më pëlqejnë, veshët i kam plotë.
I kam dëgjuar gjatë, ka muaj e ka mot.
Të flasim keq për të tjerët, disi na ka hy në gjak .
Pa e dijtë se me këso veprimesh bëjmë edhe mëkat
Ndaj, kujdes iu lutem edhe kur pini kafe.
Asnjëherë mos përgojoni të tjerët me llafe !
Sepse, çdo fjalë pa vend e ka peshën e vetë.
Si bombë atomike dikë mund ta vret !
Unë iu ftoj për kafe, këtë ma thotë dëshira .
Por, llafet t’ i bëjmë vetëm për vepra të mira..!
/QendraPress/
