Çaste poetike me poetin;-Sylejman KELMENDI

Sonte

————————–

Unë dhe miku im

Shpalosim këngët e trimërisë

Unë dhe miku im

Endim gishtërinjtë e përgjakur

Në telat e ndryshkur të çiftelisë

Çiftelitë luhaten në duar

E telat s´pushojnë nën gishtërinj

Bien me ritmin e historisë

Sonte ia kemi vjedhur këngët rapsodit

Me gjurmët e lirisë

I kemi zgjuar stuhitë e plakura të motit

Jemi veshur me fustanellat e bardha

Dhe u këndojmë atyre që pushojnë

Amshueshëm në digat e dashurisë

Thellë në zemrën e ngrohtë të truallit

Mbi baladat e bukura të Arbërisë

/QendraPress/