Çaste poetike me poeten;-Vjollca ALIAJ

Përqafim i munguar

Gjethet e ullirit krokasin

në pëllëmbë,

mes barit spërkatur ndryshk

ulet paqtë një flutur.

Ditë gushti,

tunduar nga zëri i trishtë

i gjinkallës

ndjek pëlhura mjegulle

tek zhyten honit të orëve.

Flladi i mëngjesit

mi topit qepallat,

ngrihem peshë

mbi retë si ëngjëj

mallëngjimi.

Të kërkoj mes tyre bab’

verbues malli

rreth fjollës së lotit.

Rrahjet e zemrës

takimi më i bukur…

Ah, ky përqafim i munguar!

/QendraPress/