Çaste poetike me poetin;-Rexhep F.MORINA

LIRIA NË BURG S’JETON

—————————————

/Uh! Evropë, ti kurva e motit!…

Që i re mohit, besës së Zotit!

Gjergj Fishta /

Në rrugën tonë të gjatë, të luftës për liri,

Marshoi bashkë një popull, e bëri histori.

Kërkonte mjete e forma të flaki robërinë,

Përpiqet me oksidentin të rrisi miqësinë.

Rrugëtimi s’kish fund, ai nuk mbaronte,

Përplasja e kulturave, që atë kohë fillonte.

Rrebeshe t’forta vërshonin tokat arbërore,

Kurthet e vëna, ia ndalin hapin për fitore.

Të shumta e të ndryshme, ishin pengesat,

Nga vetë Evropa, që mbante konferencat.

Me fatin e arbrit luante, shkelte mbi gjak,

Viktimën përbuzte, egërsisht merrte hak.

Kjo Evropa jonë, si njerkë e keqe u soll,

Fjalën drejtësi mbyti, shqipes i vë njollë.

Që nga kongresi i Berlinit, e deri te Jalta,

Vendimet politike, i kish shumë të qarta.

Kështu veproi Haga, në historinë më të re,

Në gjykatë speciale, çlirimtarët dënoi atje.

Kjo precedencë e turpit, botën e turpëron,

Se liria e një populli në burg kurrë s’jeton.

/QendraPress/