Çaste poetike me poeten;-Bukurie BUÇPAPAJ

VDES SI TRIM, SE JAM SHQIPTAR

(Kushtuar masakrës sê Reçakut)

——————————————–

Ta dogjën, votrën e shpirtin, Reçak,

Këtë tokë të shtrenjtë të Dardanisë,

Këtë dhe, zhuritur, larë me gjak,

Çetnikët, shushunjat e shkinisë.

Pa mëshirë, mbi ty morën hak,

Nuse lirie m’u bane Reçak,Reçak.

Ky atdhe, në shekuj pushtuar,

Vrarë, prerë, jo i shuar.

Ngrihet fuqishëm si feniks,

Si Promete, zinxhirëve të mizorisë.

Jam Ilirida, jam Teuta,

Skëndërbeg rranje e farë.

O shkja i zi,nuk futem në skuta,

Vdes si trim, se jam shqiptar.

Mbi ato varre, prehet istikami, historia,

Lulëkuqe gjaku, mbjellur lirinë.

Djepave shekullor, përkundet trimëria,

Hasmi s’ma vrau kurrë trimërinë.

/www.QendraPress.com/