Çaste poetike me poeten:-Dava GJOKA

FËMIJËRI ,S’TË KAM HARRUAR !

——————————————–

Sa herë vij tek ti vendlindje

Një lot malli m’del nga sytë

E më sillen shumë kujtime

Dhimbja , shpirtin , krejt ma mbyt

M’del përpara fëmijëria

E më pret në përqafim

Bashkë me kujtimet e mija

Që rrinë brenda shpirtit tim

Kur e shoh truallin e vjetër

Rrëke loti , m’rrjedhin sytë

E kur kthehem herën tjetër

Fjala mbetet prap në grykë

N’truallin tim ulem ngadalë

Shtëpi s’ka se është shkatërruar

Me lot malli them dy fjalë

Fëmijëri ,s’të kam harruar !

/QendraPress.com/