Çaste poetike me poeten:-Diamanta ZALTA

EMOCION

————————–

Jam këtu ,

në një cep të mrekulluar të ishullit ,

Femra e shthurur emocionit . . .

Stërkalë e vogël e dallgës më zgjon ,

ma lag qerpikun , hapi i lotit .

Si një legjendë që përsërit ekzistencën ,

Puthja e valës , me shkëmbin .

Gjithnjë e inkluduar në mua , Dashuria ,

ajo . . . me ngjyrën e ujit .

Një pulbardhë , harliset në ajër rreth një harku ,

Qëndis në qiell dy lule te kuqe gjaku ,

Pasi vret një peshk me sqep ,

një frymë Gorgone ndërpret .

Dëgjohet si krisme një klithmë gëzimi ,

Apo mos ulërit ?

Ndoshta edhe qesh . . .

. . . sepse peshkun e artë , ja vodhi ujit .

Zëri i saj sinonim i triumfit . . .

Lëngëzohet syri i erës ,

Nga një pikë e ëmbël shiu. . .

zgjon dëshirën e udhës ,

ku askush i tërë s’ka mbërritur .

Fërgëllimat të ndjesive shëndrrohem edhe unë .

Bëhem herë ujë , herë ngjyrë . . .

Mbi një fytyrë .

Pranvera gëzohet e drejt meje nget ,

Nderet mbi mua me krahët degë ,

me rrëmben e me hedh në të gjethtin shtrat .

Shpirti im . . . është binjak ,

Kolorit i harbuar për paqe .

Më përket . . . i përkas . . . në çdo detaj .

Një udhëze te kuqërremtë ,

te pa skaj . . .

/QendraPress.com/