Çaste poetike  me poeten;- Igball Brava KRIVANJEVA

Në ditën që vjen

——————————–

Në ditën që vjen bëj një urim për vete..

Me hapin e nxituar sikur puth rrezet e diellit..

Më gëzojnë fëmijët që ecin plot buzëqeshje..

Gëzojnë vajzat që garojnë me kaltërsinë e qiellit.

Nuk ndalojnë hapat dhe kur shiu më njom supet..

E di që kam të tjera sfida për të fituar..

Në flokë vë një fjongo si lulëkuqet..

Më trishton një lypës që më zgjat duar.

Në ndërrimin e stinëve këmbej fustanët e sandalet.

Në një dasëm bëhem motër me gëzimin.

Nisin si gjerdan këngët urimet e vallet..

E vargu bëhet vëlla me frymëzimin.

Nuk më tremb balta e gurët nëpër rrugë..

Nuk më tremb pabesia që vjen pas krahëve..

Jo, nuk dua të ndalem në udhë kurrë..

Çdo hap që hedh më bëhet si krah pulëbardhe..

/www.QendraPres.com/