Çaste poetike me poeten;- Mira Zaho MËHILLI

Pasionesh jeton

———————————-

Të mundesh vërtet të jetosh,

fat a përpjekje përmbushësh

e pasioneve, që trungut

të jetës shpërthejnë?

Si perla sqimatare, që Zoti

përzgjodhi të dhurojë,

pasionet gjenetikisht,

brezave trashëgohen,

si ushqim emocionesh,

që lumturinë ndezin,

udhëve të jetës lindin,

shkreptimash flakërojnë.

Limiteve të modestisë,

kur verbëri e egoizmit

braktiset, pasionet

terrenin për të vepruar

me zemër gjejnë,

përtej kolonizimit të shpirtit,

hapësirave të humanizmit

rriten, kalitjes dinjitoze

kulmojnë, dukshëm shpirtit

fisnikërinë lartësojnë.

/QendraPress.com/