Çaste poetike me poeten;-Shqipe BYTYÇI

THYERJE

———————–

Prej çelikut deri te shpirti njerëzor

është një gamë e gjatë thyerjesh

se vuajtja di të lëngojë

shtypja të kuisë

kërcitje nyjesh

shqyerje fijezash

gjithë ato forca

me pushtet mbi njëra tjetrën

thjesht ligje fizike

sikur rënja e një molle

që la pa gjumë Njuton

thonë, s’ka pushtet të mirë

s’ka dhembje të mëshirshme

gjithë ato pikëthyerje n’tentativë

gjithë ato fushëvarreza ëndrrash

E keqja di shpejtë t‘gufojë

Kujdes njeri

Çdo materie

ka pikën e vet të thyerjes

Materie je edhe ti

/QendraPress.com/