Çaste poetike me poeten:Besa REXHA

Unë e tëra e vetmja poezi

——————————————–

Me vargun tim flet kjo zemër e ndjerë

Një shpirt që fal vetëm dashuri

Një kostelacion yjesh një qiell i tërë

Dhe copëza hëne derdhur në gjithësi

Brenda tij fshihen ankthet vajzërore

Një udhëtim i një bote plot mirësi

Me fjalët e lidhura dorë për dore

Që ndarjen nuk e duan kurrsesi

Aty në copëza fjalësh më je dhe ti

Që rimës i jep ngjyrë dhe zjarr

Dhe unë e tëra e vetmja poezi

Që me vargun dashuri jap dhe marr.