Çaste poetike me poeten;Lumturi Lume Plaku

O PRENDESH NE KETE NATE…

————————————————

O bukuri,

o perëndeshë në këtë natë,

pse ja lëshove si pupël lehtë,

mëngën fustanit

si rryp i hollë, ngjyrë borë të bardhë

mbi krahun bronz, si çokollatë,

e le lakuriq, komplet të zhveshur

supin aq joshës, të rrumbullakët?

Mos vallë prej pamjes, që mbretëronte

trullosur mëndja, nuk komandonte

e hardalisej me atë det

magji të qetë

që si pasqyrë i ish bërë hënës

e e kishte marrë, mbështjellë në krahë

e e mbante ëmbël,

si fëmija i vogël në gji të nënës?

A vallë atë sup

lakuriq, zbuluar

kupë vere e bëre, dehje për mua,

që u drithërova, sapo të pashë

prej thoit, në flokë

si gjethja ndër fllad…

i rënë i tëri brenda në ty,

në dashuri si prush magji

e s’jam i zoti që të ndaloj

fërfëllimën e fluturave,

që hedhin valle nëpër stomak.

o perëndeshë në këtë natë.

/www.QendraPress.com/