Çaste poetike me poeten:Shukrije GASHI

Heronjtë nuk janë legjenda

Nuhi (Rexhep) Berisha

——————————

Nuhi, të kujtohet

dashuria Kosovë ishte Dardane

e thjeshtë e rebele një vajzë

flokë shprishur e pak e sert

si Shota lehtë vriste naçallnikë

e syri terr nuk i bente anipse

shokët burra e kanë harruar

Ç’ grua e bukur kurrë e trembur

Liri Dardane e ngrohtë

dhe e acartë në çdo stinë

e burgosur e rrahur e përgjakur

Dymijë vjet

sërish e përndjekur edhe nesër

asnjëherë e dehur nga lakmia

a shkëlqimi i rremë mondan

sot tregetuar më keq se kurrë

nga bijtë e vete tezgashgji

e harruar me pahir

dënuar me heshtje apostolike

një histori e varrosur trilli

Nuk më pëlqen ma asnjë festë

e zhurmshme ani kombëtare

heronjtë nuk janë legjenda

Nuhi, në stinën e pranverës

do ta festojmë Lirinë Dardane

pa legjenda e vija të kuqe

/QendraPress/