Çaste poetike me poetin:-  Engjëll I. BERISHA

LUMI DIGJET DERI TE KËMBËT E SAJ

—————————————————-

Ç’bën aty, moj vashë te lumi

moj vala sapo zgjuar nga gjumi

shtatin e lidhë me shkëmbin

kush ta ndjek ty fërkemin!?

Ti moj sy zjarr, pse bëhesh ngjalë

ku e lan ti trupin, në cilën valë?

Pse moj, pse të dridhet shtati

a nuk të ka zënë meraku!?

Po deshe, murosu, bëhu tokë

kush e ndalon ujin, mbi ty të kalon

mos e fsheh trupin, largoi ata flokë

se gurra e jote, dikë po e shpon

si s’i trembesh erës, si nuk i flet

a nuk e di se shpirti, di të pëlcet?

Shiko vashë, qielli bëhet urë

kalo këndej, mos i ve zemrës gurë

/QendraPress/