Çaste poetike me poetin;Lutfi MEMA

DIELLI I PAVARËSISË

————————————

Një popull shkëmb midis shkëmbinjve

qëndron martirja Kosovë,

hallet në shekuj të thinjën,

rrugë e trimërisë të fton…

Serbi shtypte këtë vend,

ngrihesh, Kosovë, për liri

është pjesë e trupit tënd,

në zemër e ke, Shqipëri…

Ngrihesh ndaj shtypjes së egër

me Shqipërinë kapur për dore,

serbi nxin si natë e errët,

ti lavdisë thurje kurorë.

Shtizë krah i Ismail Qemalit,

që ngre lart atë flamur,

e puth Isa Boletini,

skuq Atdheu, çdo shkëmb e gur…

Kosovë në malet e sertë

ngjeshe pushkën e gjerdanin,

heroizmi juaj flet,

me flakë pushkësh para çanit…

Syrin në pushkë nëpër kohëra,

se kështu shihje më larg,

serbi jetimë t’i la foshnjat,

Kosovë linde mbi plagë…

Dimër i hidhur, borë në male,

por nuk mposhteshe, Kosovë,

fton pushkë e Adem Jasharit, 1*

Bill Klintoni ndihmë dërgon…2*

Ece me hap trimërie,

me pushkë historinë e shkrove,

thure kurorë lavdie,

shikon me vështrim shqiponje…

Vendi përjetoi tërmet,

por lind diell i lirisë,

17 shkurt dy mijë e tetë

ndrin ditë e PAVARËSISË…

E lirë, sot ti po hedh valle,

luftëtarë zbresin nga retë,

jehon kënga, gjëmojnë malet,

rilindi e re një jetë…

/QendraPress.com/