Fryma poetike e ditës atdhetare me poetin:-Rexhep F. MORINA

LUFTËTARËT E UÇK-së

—————————–

Ata kishin ngritur ndërgjegjen, lartësuar idealin,

Fisnikërojnë n’këngë lirinë, besim e forcë ngjallin.

Mprehin grushtin shpatë, të çajnë terrin e robërisë,

Për të ecë drejt dritës madhështore, dritës së lirisë.

Ata dhanë kushtrimin, me krisma e zjarrin e luftës,

Organizimeve i dolën në ballë, me tytën e pushkës.

Goditën hordhitë armike, në beteja guerile e ballore,

Për tokën e lashtë të përgjakur, për të vetmen fitore.

Ata mbetën brez i heroizmit, brezi i lirisë së vendit,

Udhërrëfyes e simbol i unitetit, qëndresë e shkëmbit.

Atdheun tonë të lirë i lanë amanet një populli të tërë,

Për ta gëzuar e mbrojtur nga armiq, të shenjtën vlerë.

/QendraPress/