Fryma poetike e së dielës me poeten:-Albina TREBICKA

…tani asgjë!

—————————–

U pamë sot krejt papritur

ti pa flokë,

unë e thinjur

dhe shtangëm të habitur

…sa shumë ishim rritur

përballë ti dhe unë,

që dikur u deshëm shumë,

që koha na i thau lotët,

se të tjerë na ndryshuan botën

Udhëtoi heshtja nëpër vite

Ikën vitet larg nesh pa fjalë

Nuk e di me kë u martove ti

Harresa na mbuloi dalëngadalë

Sot ne ishim tjetër gjë:

të dashuruar dikur,

…tani asgjë! /QendraPress