Fryma poetike e së dielës me poeten;-Farie BISHA

Ngjyrat e heshtjes…

————————

 E mrekulluar një çast po mendoja:

Çfarë ngjyre do t’i jepja indiferencës?

Ndoshta gri, të sfumuar…

Po heshtjes së zhgënjimit?

Transparente, e tretur në pluhurin e Saharës.

 Qetësisë së dëshiruar, një heshtje pushimi,

Ngjyrën e një gjethe të sapo çelur.

Heshtja e habitjes?

Një dritë e bardhë, verbuese,

 si refleksi kundër diellit.

Më e bukura nga të gjitha,

 heshtja e fjalëve të pathëna.

 Të menduara net të gjata pagjumësie,

 ajo e kuqja e zemrës.

 Kureshtjen time e shton më shumë:

 Nostalgjia.

E parë në rrezen e një drite që

depërton spektrin e kujtimeve

 dhe e kthen në sfumatura shumëngjyrëshe

 E pritja në heshtje? Çfarë ngjyre ka?

Do e lija… në pikëpyetje…

Farie Bisha Luzern 6.2.25

/QendraPress.com/