Fryma poetike e së dielës me poeten;- Margarita Llapushi ZENELI

Merrmë o vjeshtë…

———————————

Merrmë o vjeshtë, në krahët e tua

më ço në vreshta të mbushura plot,

aroma e frutave t’më deh edhe mua

si dehen dashuritë, çdo ditë e çdo mot!

Merrmë o vjeshtë tani ,më vonë s’i dihet,

buzëplasurat nga vera, ti njomë sadopak,

si mushti i rrushit tek pret të zihet

të ëmbëlsoj shpirtra dhe të shuaj merak!

Merrmë o vjeshtë ,si gjethja kur puth tokën

të shoh vashat në stola dashurish,

me ngjyra të arta t’ua stolis kokën

flokët t’u puth ,si në skena magjish!

Merrmë o vjeshtë,më ço ku do zemra

të çelet me ngjyra si gjethet e flakta,

mbaje mbështjellë kur dimri të vijë

e ngrohtë të jetë,në netët e gjata!

/www.qendrapress.com/