Fryma poetike e së dielës me poeten:-Shyrete DEMAJ

Duhet edhe shumë kohë

——————————

që era e bardhë

me zbulue

kët sit shpirti

t’bam’ cop copë,

i mbuluem rënojash harrese.

S’e di

nëse e gjen shtegun ti

arkeolog zemre

që me kujdes

heq reliket

një nga një

për t’i bashkuar

në mozaik shpirti

të harruar…

***

Tashmë, ti ke harruar

puthjet e para gjumit,

cullufen e lazdruar të flokëve

të më përvjelësh lehtë

Fryma jote

më rrin ende rreth qafës

si shall i ngrohtë

që butësisht më përkëdhel

Tashmë, largësia

çau hendek shpirtit

dhe dot më nuk ngjet

E zemra nuk jep llogari

për shkarjen

në ëndrra pa strehë..

Sh. D

/QendraPress/