Fryma poetike e së dielës me poetin;-Qazim THAÇI

Sytë e tu mall vetmie

———————————-

Sytë  e tu kanë qetësinë e qiellit

Kur sodisin yjet si luajnë mallshëm

Për lojën e detit e mallin e vendlindjes

E prapë mbeten si kujtim për një ditë të re

Në stinën e luleve marrin aromë bajamesh

Për të ruajtur dhembjen e moteve

E  për të gravuar besën si të vetmin kujtim

Në dashurinë e moshës plotë kuptim

Kur pulëbardhat ulët fluturojnë  sjellin shiun

Jo si harrim, por si një kujtim dashurie

Bashkë me shpresën e ditëve të bardha

Bregdrinit me këngët e moçme të besnikërisë

/QendraPress/