Fryma poetike e së dielës me poetin;-Sabit RRUSTEMI

NXITO PËR TA ZËNË KËTË LUM

_————————————-

( me pak plotësime )

Ti ma kthen shpinën

e pas ma le një floknajë mali

si fole për sytë e mi

Mos nxito për të ikur shpejt

Një lum ndjenjash malësori

vërshon kah unë

e pas teje lëshohet

Zgjatma dorën

Ato mollëza të trupit tënd

le të bëhen moli im

ku do të prehem pa pushim

Floknaja ime e prushtë

fati im që s’ ikën pa mua

nxito për ta zënë këtë lum

… lumin që herëdokur

në shtratin e moçëm kthehet

( 31 gusht 2014 – 31 gusht 2022 )

/www.qendrapress.com