Fryma poetike e së dielës poetike me poeten;- Ramije UKAJ

NJERËZIT ME DY FYTYRA

——————————————

Ata përditë i ndërrojnë maskat

Asnjëra nuk u bie tamam

Që ta mbulojnë fytyrën

Nga e vërteta

Mos u fsheh pas maske o njeri

Se të zvogëlohet fytyra

E dikur nuk e njeh as veten

Mos buzëqesh rrejshëm o njeri

Se të del fytyra përtej maske

E të njohin fëmijët

Mos u krekos para shitësit të maskave

Ai mirë e njeh fytyrën tënde

Që kushton ma lirë se një maskë.

/www.QendraPress.com/