Fryma poetike e së mërkurës me poetin; Gëzim AJGERAJ

NË KUJTIM TË LOKES SIME

(Pranë varrit të saj)

—————————————–

Kur e pushtoi mosha

ajo i gëzohej pleqërisë saj

edhe vdekjes që po e ndiente

gjithnjë e më afër

bile i thoshte, shyqyr që po afron

e po ikë faqebardhë nga kjo botë

Ajo i kishte përjetuar tre luftëra

në të parën si fëmijë në derën e

babait të vet e të dytën për pak sa

burrin s’ia vranë para syve

e në të tretën ishte vet rob i saj

Nuk desha të ia kujtoj vuajtjet

as aktin e robit kur serbët

bashkë me djalin e saj, babain tim

i keqtrajtuan, i rrahën, i plaçkitën

e ua dogjën pasurinë para syve,

e për ditë të tëra i endën katundit

pa vënë as bukë e as ujë në gojë

për afro një javë

As për tmerrin që e pa

ato ditë të përgjakshme në Vërri

kur ia rrahën të birin

e i vunë thikat në fyt e revolverin në kokë

as për portofolin e sajë

që e mbante litarë në qafë

dhe paratë për “qefinin” e saj

pas vdekjes

Por dua ta kujtoi gjyshen time

për mos’pajtimet dhe kohën

që asnjëherë nuk iu nënshtrua

dhe kurrë nuk u pajtua me të

dhe padrejtësitë që hapëronin

si re të zeza mbi kokat e njerëzimit

Po i gëzohem ikjes nga kjo botë,

me që isha e pa fuqishme

të paktën të ndryshoja diçka,

por kurrë nuk u pajtova

e nuk iu nënshtrova ligësive të saj

përherë faqebardhë

Ehhh,

me ç virtyte të shëndosha e edukatë

mi rriti edhe ëndrrat e mia

Dritë pastë shpirti i bardhë i saj!

Shtator 2023, Malësi e Vërrinit

/www.qendrapress.com/