Ministër në detyrë Sveçla, a është në pranga kush pas gjithë atij arsenali armësh të gjetura?!-Shkruan :Liridon LUSHAJ
Çështja dhe lajmet që i jep ministri Sveçla , tashmë kanë filluar të jenë shumë të dyshimta dhe disi duket si të pa baza, ja njoftimi i fundit ku ministri në detyrë i Punëve të Brendshme, Xhelal Sveçla ka thënë se armatimi i sekuestruar në fshatin Vallaq të Zveçanit, sipas informacioneve që ai ka është gjetur në objektin që i përket politikanit Aleksandar Arsenijevic.
Ai në një reagim në Facebook ka thënë se krimi nuk mund të fshihet kurrë duke përgëzuar institucionet që siç ka thënë ai po punojnë pa u ndalur në ofrimin e sigurisë.Sveçla ka thënë se armatimi i sekuestruar ishte i mjaftueshëm për njësit terrorist.
“Një arsenal i tërë i mjaftueshëm për një njësit terrorist. Sipas informacioneve që kam pranuar, armatimi i rëndë është gjetur në një objekt që i përket politikanit Aleksandar Arsenijevic. Krimi nuk mund të fshihet kurrë, pavarësisht petkut që vesh. Veçanërisht përballë institucioneve tejet vigjilente e profesionale që po punojnë pa u ndalur në ofrimin e sigurisë e sundimit të rendit e ligjit në çdo cep të territorit të Republikës së Kosovës. Nuk do të ndalemi derisa nëçrrënjosjen e plotë të mbetjeve kriminale e terroriste të Serbisë nga vendi ynë”, ka shkruar Sveçla.Por pse tashmë ky terr informacioni se pasi është gjetur gjithë ai arsenal, kush ashtë arrestuar?? Kush është vu në bankën të akuzuarit?? E kush po ndiqet për këtë???. Apo kjo vetëm sa për të tërhequr vëmendjen nga kolapsi i përkohshëm që ka Kosova,?!!!Përderisa kemi informacion e saktë se gjatë bastisjeve në natën e së shtunës në lagjen’’Ortakoll’’ në Prizren . një personi i është gjetur një armë e ftohet thikë, dhe ai është dërguar menjëherë në mbajtje. Po sepse edhe kjo është shkelje. Po si athua askush për arsenal armësh të mos ketë të arrestuar??!!. Ministër Sveçla këto publikime që po postoni dhe realiteti që askush nuk është nën pranga sikur po marrin një ngjyrë të joserioziteti real. Prandaj, e dimë se ka terr energjetik Kosova, por mos na krijoni edhe terr informativ ju lutem. E kemi të qartë se Kosova rrezikohet nga Serbia, por të bëhemi bashkë të gjithë e jo më informacione plotë sekrete e plotë dyshime./QendraPress/
