E diela me penën e brilante nga ;Skender BERISHA

PAK MËSIM

E ç’nuk mësova pasha ty

Gjatë jetës

Një ditë e dy…

Zhgënjimi

S’u laka as me raki

11 korrik 2020

RECUIEM PER BARIN

Më dhimbsesh për atë të qarë në vete

për ndrydhjen që pësove

për diellin që të përcëlloi sot

më dogji edhe ai refren korriku

pak ujë pak ujë pak ujë

një e qarë e thellë e pabujë

edhe kërkimi i reve

të shkoi kot me gjithë atë investim

sa shumë pelim në atë zvetnim

zvetnim të rritës së gjelbër

që zverdhet ditëepërditë

si prihet fundi i verdhë

sikur fytyra e meitit

pastaj për palosjen për toke

për atë nxirje nxirje

o bleraku im

si do t’ia bëj pa ty

10 korrik 2016,Prizren

NUK HESHT NUK HESHT

Për rrenën në shesh sa shpesh

unë asesi nuk mund të hesht

kush do le ta var vath në vesh

ta nxjerr në dashtë shesh më shesh

nuk e di e merrni vesh a s’e merrni

ajo po bredh rrenë qe besa rrenë

era e keqe po e bart larg e më larg

e pafytyra rrenë tashti kullon jargë

nuk hesht asnjëherë as kur jam vet

as edhe vetë i dytë as vetë i tretë

rrena ka një jetë të tërë që po bredh

rreth e rreth vetes sa niegull mbledh

nuk hesht për besë as sot nuk hesht

kur hyj edhe dal nëpër timin vresht

që skuqet prej diellit dhe prej marres

rrena kur shfaqet rrena kur shpallet

1 korrik 2016,Prizren