Së pari, ne si qytetarë të Republikës së Kosovës duhet të bindemi se pandemia ekziston. Ne akoma nuk e kemi marrë seriozisht ekzistencën rrezikut që po i kanoset njerëzimit .
Bashkim HOXHA, analist ,lidhur me rastet e shtimit të pandemisë shkruan :”Duke mos e marrë seriozisht nuk jemi aq serioz as në menaxhimin e rrezikut. Përveç rrezikut shëndetësor është krejt e logjikshme, do të përballemi edhe me rrezikun e dëmit ekonomik që deshëm ose jo të pranojmë, pasojar e traumave psikologjike do na përshkojnë si shoqëri. Pa dashur t’i vë prefiksin e një ngjyrimi politik në këtë rast, megjithatë mendoj se pandemia nuk është mbajtur nën kontroll në nivel të kënaqshëm nga qeveria e kaluar dhe as nga kjo e sodit. Shikuar nga këndëvështrimi i një personi që gjysmën kohës brenda vitit e jeton jashtë vendit , them se Kosova nuk ka as kapacitete të nxjerrë norma apo stantarde të veçanta. Të merret modelet më të mira të vendeve të BE-së do të ishte forma më e mirë. Sipas mendimit tim, bizneset duhet të funksionojnë krejt natyrshëm në rrjedhën e tyre. Vetëm funksionalizimi “normal” i bizneseve mund të mos na çoj buzë kolapsit ekonomik. Për mua Suedia, gjithsesi edhe Gjermania janë modelet të cilat me lehtësi mund të aplikohen në Kosovë, marrë parasysh dhe specifikat kosovare, natyrisht.
Gjithsesi masat mbrojtëse duhet marrë në këtë situatë emergjente.
Siç e ceka më lart, shqiptarët në radhë të parë duhet të binden, pandemia covid 19 ekziston, ajo merr jetra njerëzish, përhapet me shpejtësi të paparashikueshme, ajo të vret, ajo ta vret familjen, nuk të pyet kush je dhe çfarë shtrese sociale i takon. Të thuhet kështu nuk ka të bëj me panikun, absolutisht jo. Njerëzit para së gjithash duhet të ndërgjegjësohe.
Mbartë elemente të konsumimit të teprës penale mendoj unë, iks apo ypsilon personi me shenja të qarta të infektimit; rë shkokë mysafir te shoku, te kushëriri, familjari…në kafene, restorant apo diku tjetër ku i rrezikon seriozisht të tjerët. Është më se i dënueshëm qoftë dhe për policin të shoh njerëz në restorante grumbull pa maske ndërsa sapo të dalë prej aty i detyron njerëzit të vënë maskat. Do të duhej të ndodhte e kundërta.Maska vëhet në ambiente të mbyllura e jo në ambiente të hapura, së paku unë kështu po shoh çdo ditë këtu në Gjermani, pa pretenduar të bëj ekspertin në këtë rast.
Lokalet që kanë mundësi t’i nxjerrin tavolinat jashtë, natyrisht duhet të lihen të punojnë të qetë duke i udhëzuar për masat që duhet marrë. Unë mbrëmë hyra në një lokal për të marrë ushqim me vete, por me të hyrë brenda vura maskën (u detyrova). Që në hyrje të derës janë fotot dhe udhëzuezit ku ta bëjnë me dije se je i detyruar ta vësh maskën. Kështu janë rregullat që gjermanët aplikojnë. Të tjerët që po darkonin aty/jashtë në ambient të hapur nuk kishin maska. Nuk është se gjermanët si qytetarë janë më të disiplinuar apo më të edukuar se shqiptarët, nuk e them këtë. Por shteti është ai që nëpërmjet sensibilizimit, rregullave dhe ligjeve të veçanta e mban situatën nën kontroll.
Për t’iu kthyer edhe njëherë pyetjes suaj. Sipas vështrimit tim bizneset, puna, prodhimi, tregtia … sado në masë të një normaliteti jo krejtësisht normal, jemi në situata jo të favorshme për zhvillim ekonomik. Të paktën të mbahet gjallë jeta ekonomike e vendit nën këto masa./qendrapress.com/
