Prezentojmë poeten;Fatime KALIMASHI

NATËN KUR TË VIJ

Më prit një natë, do të vij në ëndërr

Do të ta prish gjumin dalngadalë

Me pëshpëritje të lehta mesnate

Përmes ëndrrës si në përrallë

Ajo natë mos të mbarojë kurrë

Le të mbetet e paharruar

Nga një princeshë idealesh

Në kujtim gjysëm të zgjuar

Fatime Kalimashi

30. 7. 20

——————-

HESHTJA ËSHTË ARMË FLORIRI

Prej kohësh s’e kam përdor heshtjen

Kam fol e s’më kanë kuptuar

Në jetë shpesh duhet të ndryshojmë

Për të mirën tonë të luftojmë

Heshtja është armë floriri

Me mbrojtë shpirtin nga i ligu

Vend e pa vend fjala duhet të ruhet

Por mos të heshtim aty ku duhet

Është mëkat të mos përdorësh

Armën tënde më të çmuar

Për t’u mbrojtur dhe luftuar

Kurrë në jetë për t’u mos u dorëzuar

28. 7. 20