Çaste poetike me poeten:Valbona HADRI

QEPARO 2022

Pa fjalë

Më rrëmbejnë bukuritë,

kaltërsitë e kësaj, vale.

Lot i pastër i gëzimit

me kristale mi mbush sytë.

Shkumba e bardhë ledhaton gurët,

përplas trupin lehtë në rërë.

Dielli, deti dhe rrezja e fundit

prej argjendi qenka bërë.

Rrezja e fundit shkon mbas malesh,

Mbremja bie me nxitim,

Perendimi ringjall kaq ëndrra

dhe kaq këngë në shpirtin tim.

Me shijon kafja e mbrëmjes

Dielli zjarrtë që u përflak

Ndaj me miket një zë lutemi

Zot na e zgjat këtë çast dhe pak.

Kendojmë këngë bashkë me valët,

Bregut të kaltër në Qeparo,

Rrethuar prej mrekullive,

Nga një dorë e shenjtë ngado.

Syri im ndjek horizontin

Larg përtej në pafundësi

Shiu i beftë e shton ngjyrimin

Pikturon një mrekulli.

Shikoj shkëmbin, gjelbërimin,

Buzë detit këtë natë.

Çdo rrugicë me kalldrëm guri

Vezullon si diell i zjarrtë.

Valbona R.Hadri

18.09.2022